Iss Baar Yeh Kaisi Thand Hai?

Iss baar Yeh kaisi thand hai
Sikud ke baithi hai zindagi
Kushiyan kone mein hain dubki
Khwaab kohare mein kho gaye
Aatank se yeh baraf lal kyu hai

Iss baar Yeh kaisi thand hai
Ous bann kar aasun hain bhikre
Dhuan hai kitna inn sason mein
Har koi aandar maano jal raha
Garam kapdonn main darr chupya hai
Par Bas afwaono ki hawa garam hai

Iss baar Yeh kaisi thand hai
Ab Angeti mein hausley sulgao
Garama garam ek cup sach pilao
Talo garam josh mein Zindagi ko
Woh Tazagi lao jo gayi hai kho
suraj ki kirano ko Khench lao

Iss baar yeh aakari jung hai
Zindagi ko iss baar ladna hai
Khushiyon ko phir machalna hai
Khwaab khilenge har taraf se
Khelenge hum phir baraf se